HELLO WORLD!

Halo!!!!

It's simply a testing for the html formats or whatsoever XD

LINKS!

AND I AM STILL ALIVE

原來差不多四年了。

成功地畢業，回香港找到了工作。
認識了新的人，
也有親近的人離去了。

小電壞了然後終於也換了。


幸運地，Chrome的bookmark原來有作online backup，才發現/找回了這個很久以前的blogger。

紀錄過的也沒有很多，但重新看一次，就是，有點感觸之類的。
好像現在內裡沒有以前那一種……朝氣了。


嗯，努力一點可以找回來嗎？

P.S.
最近不小心PK了，一臉血的……破相？
第一次去A&E，醫院裡的護士都超好der～
住院期間收到了很多關愛目光，應該是大家覺得我天生麗質，心疼我臉上那堆傷口吧。（想太多）

murmur: 女生

到底是哪個年代哪個國家的麻煩人覺得女生的雙腳要超級光滑的才正？
然後又是哪些麻煩人去認同的？

夏天是很美好沒錯；藍天白雲，天色晴朗。
短褲短裙連身裙背心泳裝之類的也很美好。
唯一不好的是你出門前都要先檢查一下雙腳……老實說這比化妝更加麻煩啊！

我開始不期待夏天了。

冬天別走，我愛短褲短裙加黑絲襪或膝上襪啊！
。・°°・(;>△<;)・°°・。

我的婆婆最可愛 (and最強)

我的家庭真可愛 之 四

婆婆最近成日黎我屋企。
然後可能係我地互相學習，所以差唔多每次婆婆黎我地都有得笑——仲要係笑到個個都想喊的大笑。


頭先除con，右眼唔知點解一除就除到。
(平時係右眼除好耐左眼除好快的)
超級無聊的我就走出廳叫大家估吓我除咗左眼定右眼。
爸爸估我左眼冇戴con，媽咪估右眼，婆婆都話係右眼。

「YEAH！婆婆同媽咪都估中咗！爸爸你輸咗啦！」

婆婆問︰「咁估中咗有咩獎品？」
苦惱了一小下的我只好答︰「我未除嘅左眼con？」
婆婆大笑︰「哎呀我要黎做乜！」係度切緊菜的媽咪都笑到停咗手。

咁好啦我只好走去叫輸咗的爸爸俾個獎品婆婆啦。

「阿媽啊，咁我送咗個女俾你啦！」阿爸你對我咁好啊，送我俾婆婆。
婆婆聽完即答︰「哎呀我養唔起啊！」

婆婆你反應唔好再快啲再真實啲！(○ﾟεﾟ○)ﾌﾟｯ!!






++++ 但係仲未笑完 ++++

玩完咁我就返入廁所繼續除隻左眼con，除啊除，"mit"咗好耐都"mit"唔到。
婆婆忽然諗起啲野叫我bor，咁反正除唔到，就出去睇睇乜事先啦。
「睇吓你啱唔啱著啦。」
原來佢今日行街買咗件棉納。
我都想著啊，但係我棉納通常都係屋企先至會著。
「但我驚我會著爛wor……」

「爛咪叫你媽咪再買過囉！唔係你打算著爛俾我著丫嘛！」

婆婆講咗頭一句我地全家已經笑到好辛苦，切菜中的媽咪已經停咗手係度笑笑笑笑笑。
講埋之後果句婆婆都笑咧。
婆婆，我邊敢著到爛就俾你丫。我係怕著幾著然後爛然後好浪費咋。


但係仲有得笑。

我話俾佢地知我通常留係屋企著之後我媽就好大反應咁話︰「唔好俾佢咧。咁貴係屋企著真係好浪費！」
然後我爸就接︰「係啊所以係屋企唔可以著靚衫架。」

停一停，佢繼續︰「阿媽啊，我地只可以係屋企著垃圾袋啦！」

明明停咗唔笑都俾你搞到要笑啦阿爸！你自己著垃圾袋啦你！

最大鑊係我婆婆佢又幫口︰「係啊著樹皮啊！」
「嗱阿女，凍就搵報紙褸上身咧以後。」爸你夠咧……








最後我頂大家（包括我自己）唔順，走返入廁所繼續除左眼con。
「救命啦我地全家人都傻傻地㗎！」



「唔傻邊有得笑！」

……婆婆你太精靈可愛，我地全家人加埋都唔夠你講咧！
ワ━ヾ(　 　)ノ゛ヾ(　゜д)ノ゛ヾ(゜д゜)ノ゛ヾ(д゜　)ノ゛ヾ(　　)ノ゛━イ!!

我家雪櫃是異次元？

我的父母很可愛系列……三？







話說，雪櫃裡有一盒西餅。
母親大人買的。
大約……大約一個星期之前？



嗯，總之她買回來之後就放到雪櫃裡保存。
在雪櫃的一個不太起眼的位置。
是一個在上星期某天我和爸都很餓的時候，在雪櫃裡找了有點時間才發現的很不起眼的位置。



當然，那天晚上我和爸各自吃了一件。







今天晚餐後，母親大人不知為什麼忽然「發現」（也有可能是看見）這盒西餅。



……晴天霹靂啊！



「點解唔食盒西餅呀！」母親大人問。



爸︰唔係唔食……
媽︰咁係咩丫？
爸︰（忍笑，走過來我房門前）女，你媽問……
我︰聽到聽到，聽得好清楚。
　　（大喊）有食過啦！
爸︰老婆啊，你睇你放佢起咩地方？
媽︰雪櫃！
我︰見唔到啊邊記得要食！
爸︰我地冇必要啊點會開雪櫃呢？咁咪見唔到loh。
　　上次我地肚餓有開雪櫃搵，咁咪食咗兩件loh。
　　唔係唔食啊我地。
媽︰食過啦？
我＆爸︰係啦——！







其實我家雪櫃是異次元來的？

UP & GO

回了香港差不多有一個月啦。
除了不滿天氣太冷家裡沒有暖爐之外，另一個大問題是我超想念澳洲的零食！



例如很邪惡的Chips啦、
 

邪惡的Lord of the Fries啦(Google到的有關blogpost)、

(這圖是在facebook fans page裡抓來的)

沒時間吃早餐的日子拿來當早餐的Up & GO啦、


擔擔麵很不錯的宋家啦、


還有不知為什麼香港的Starbucks就是不會有的White Chocolate Mocha Frap啦、
KFC的Chips啦、
差不多所有Cafe都買得到的Bacon (or Sausage) and Egg啦……






啊啊啊啊啊我好餓！

我的家庭真可愛 之二 (?)

我爸換了新電話，touch screen的，害我也很想換。

……Lollipop，我教你去游泳好不？(之前講過我爸可以換新電話是因為他之前那部不小心去了游水)

嗯，很想換。

但在我家裡差不多買任何東西都要經母親大人批准……

今天爸媽一起來接我機，之後我爸回學校，我媽陪我先坐巴士回家再去上班。

我︰好煩啊我個message box又full咗啦！(刪SMS中)

媽︰你個電話都唔錯喎 (看我玩電話)

我︰係啊咁不如俾你用啦！ (內心happy中)

媽︰我先唔要咁蠢，成日執你兩父女唔要啲野！

我︰係係係…… (希望我冇帶charger咁我有個藉口……)

媽︰而且我要touch screen！

我︰*shocked* 哇媽咪你依家咁有要求啦？

好，晚上爸回家了，媽也早已在廚房裡準備晚餐。

然後我也拿了爸的新電話來看看玩玩。

我︰啊啊啊我都好想要新電話啦——！

爸︰好啊只要你媽肯。

我︰媽話要touch screen喎佢講到明啦只不過係唔要舊嗰啲咋！

爸︰你去試吓囉咁。

我︰(衝進去廚房) 媽我決定買兩部iphone 4啦！

媽︰點解？仲要兩部咁多？！(表情︰驚恐)

我︰你話要touch screen嘛！

媽︰但……

爸︰嗱我都話你媽係唔會換唔會買㗎啦！

到底要點先可以得到新電話呢？

唔通真係要教lollipop佢游水？